Apne mobile Aur computer se kaise fb page banye

Facebook page kaise banaye ya page banane ka tarika kya hai ye sawal jaab aata he tab hume do tarike milte he. Yane, Facebook par apni page banane k liye hum apne mobile aur computer dono ka istemal kar sakte he. Wese, dekha jaye to Facebook ya internet jyadatar mobile phones par istemal hote he. But, kuch visitors eise bhi he jinhe apne computer ya laptop se hi Fb chalana pasand he. So, me is post par aapko dono mobile aur pc se Facebook pe page banane ka tarika sikhane wala hun.

• 
  

---

Agar aapka koi website ya blog, business he ya aap kisi product ko socially promote karna chahte he to Facebook page banana ek bariya option he. Isse na kewal aapko new visitors milte he balke logo ko apne sawalo k jawab bhi mil sakte he. Ye apne business ko promote karne ka ek free aur behtarin upay he.

Humari website “Desitechblog” ki bhi ek fb page he jaha hum apne blog se related sabhi news, posts ya fir updates logo se share karte he. Isse na kewal hume kuch new visitors milte he balke socially active rehne ka moka bhi milta he. So, agar aap bhi apne blog ya business k bareme kuch esa soch rahe ho to chaliye niche hum free fb page create karne ke steps jaan le.

Apne mobile se Facebook page kaise banaye ?

Dosto, smartphone se page banana sabse easy aur fast tarika he. Iske liye sabse pehle apne mobile se Facebook k website par jaye aur login kare. Login karne k baad niche diye steps follow kare.

Step 1:

Apne mobile se account par login karne k baad aapko Facebook ki Dashboard (home page) dikhegi. Now home page k upar right hand side par aapko 3 line ka ek icon dikhega. Iss 3 line icon par tap karne par aapko kuch options dikhenge.

Step 2:

Now, aapke mobile par kuch options show honge jinmese aapko CREATE NEW PAGE ko chunna he. Ye page create ka option aapko PAGES k niche dikhega.

Step 3:

Create new page par tap/select karne k baad ek page dikhega jaha se GET STARTED par click kare aur age barhe.

Step 4:

Next, aapko apni page ke liye ek name dena he. Iske liye aye huwe box par page title ko bhare.

Name/title dene k baad niche NEXT k button par click kare.

Step 5:

Next par click karne k baad aapko apne page ki category select karni he. Iske liye aye huwe category list se jo bhi aapko chunna ho chune. Dhyan rahe pehla category chunne k baad niche sub category bhi select kare.

Step 6:

Ab jo next option ayega waha aapko apni website ya blog ki URL address bharni he. Agar aapki koi website nahi he to simply upar SKIP par click kare.

Url address bharne k baad niche next par click kare.

Note: Agar aap apne Facebook page par apni blog/website ki link dalenge to logo ko aapke blog k bare me page se hi pata chal jayega. Isse aapko free traffic bhi mil sakti he.

Step 7:

Now, aapki Facebook page lagbhag ready ho gayi he. Ab sirf profile picture aur cover photo dalna baki he.

Simply, aye huwe option se apni page ki profile pic upload kar le. Iske liye UPLOAD k button par click kare aur apne mobile ke storage se jo bhi image upload karna ho kar le.

Image ko upload/select karne k baad niche NEXT par click kare. Ab select kya huwa image profile par set ho jayega.

Step 8:

Profile picture set karne k baad hume apne page ki cover photo set karni he. Cover photo dalne k liye ayehuwe options se UPLOAD PHOTO par click kare.

Iske baad apni man pasand image ko phone storage se chun le. Cover Image ko chunne k bad NEXT par click kare.

Congratulations, aapne Fb par apni page bana li he. Ab aapko mobile se Facebook par apni page banane ka steps pata chal gaya hoga.

Note: Humne upar image par demo page create ki he aapko sikhane k liye. So, isiliye page par koi profile photo ya cover photo nahi dali he. Wese, hum apne page se directly kabhi bhi profile ya cover image upload kar sakte he

Apne computer ya laptop se Facebook page banaye

Apne computer se Facebook par page banane k liye sabse pehle Facebook website par jaye aur login kare. Login karne k baad niche diye steps ko follow kare.

First apne Facebook dashboard/home page se options k icon ko click kare. Options ka icon aapko home page k upar k taraf right side par milega. Ye icon DOWN ARROW k tarah dikhta he.

Options par click karne k baad aapko YOUR PAGES k niche CREATE PAGE ka ek link dikhega jise click kare.

Page category select kare

Now, aapko bohot se page category dikhenge jinmese apne category ko chune. Agar aap kisi website ya product k upar page banana chahte he to BRAND OR PRODUCT ko chune.

Brand or product ko chunne k baad aye huwe box par sahi jaankari bhare.

• First box par sahi category chune.
• Next, apne page ka naam likhe. Koi achi si name de take logo ko bhi pasand aye.
• Get started par click kare.

---

Page description & details

Page category chunne k baad next aapko page description aur apni page address bharni he.

• Sabse pehle box par apne page ka description bhare. Yane kis chiz k upar aap bana rahe ho ya kis chiz se aapki page related he sabhi jankari bhare.
• Next box par apne website/blog ka URL link bhare. Agar koi website nahi he to blank chor de.
• Last box par aapko ek unique address dena hoga jo aapke Facebook page ka address/id hoga. Dhyan rahe ye new address aap kahi pe likh le take baad me bhul na jaye.
• Now, niche SAVE INFO par click kare aur age barhe.

Profile pic upload kare

Apke page ke liye basic settings ho chuke he. Now, simply aye huwe option se page k liye profile picture chun le.

• Simply, UPLOAD FROM COMPUTER par click kare aur apne computer se jo bhi image pasand ho chune. Image chunne k baad niche SAVE PHOTO par click kare.

Add page to favorite

Profile picture upload karne k baad aapko next page par ek option milega jaha se apne create kiye huwe page ko favorite tab par add kar sakte he. Isse aap page ko kahise bhi access kar sakte ho.

Agar aapko add karna he to ADD TO FAVORITES  par clik kare. Agar nahi karna to simply niche SKIP k button par click kare.

Preferred page audience option

Ab ayehuwe options mese aapko audiance yane page visitors k liye kuch options bharne parte he. Jese, kis tarah k audience aap apne page par chahte he age, gender, interest etc k hisab se.

Aapko agar ye options nahi bharne he to niche SKIP par bhi click kar sakte he.

Your Facebook page is ready

Now, aapki page create ho jayegi aur agar aap chahe to apne Fb page ki cover image bhi directly upload kar sakte he.

Note: Aapne page banate samai jo unique address bhara tha usise apne page ko open ya share bhi kar sakte he (ex. facebook.com/your page address).

Final words,

Friends, finally aapne ye jaan liye he k apne mobile ya computer se Facebook par page kaise banate hai.

Aap kisi bhi chiz k upar pages bana sakte ho. For example agar aap funny images, status messages, product ya website k upar banana chahte ho to wo bhi mumkin he. Isse aap apne thoughts ya creativity logo se socially share kar sakte ho. So, aap kis chiz ka intezar kar rahe he abhi jaye aur Facebook par apna free page banaye