Google par Apna photo kaise upload karre

Dosto, aaj is post par hum baat karenge Google par photo upload kaise kare ya Google ki image search par apne photo ko kaise add kare iske bareme. Ajkal internet to humari life ki ek part ban chuki he. Jahatak Google ki baat he to ye jankari aur jawabo ka bhandar he.

Yaha par aap koi bhi sawal puchoge to aapko jawab to milega hi milega. Sawalon ke sath aajkal log apne photos ko bhi Google search par display karana chahte he. Isse aapki images ya photos Google image search par show hoti he. Iska tarika bohot hi assan he jo me niche bataunga.

Tarika batane se pehle me ye bata dun ke Google ek search engine hai. Yaha aap apne photos ya images ko directly upload nahi kar sakte he. So, iske liye hum kuch tariko ka istemal kar sakte he. To chaliye niche hum Google search pe photo upload karne ka tarika jaan le.

Google par photo upload kaise kare ?

Jesa k maine pehle hi kaha hai ki yaha images ko upload karne ka koi direct tarika nahi hota. Iske liye hume eisa kuch karna hoga jisse Google bots ko humare photos ke bareme pata chale aur bots humare images ko crawl karke unhe apne search results par display kar sake.Agar aapko samajh nahi aya to itna jaan le ke Google ek top search engine he. Iske bots jab kisi bhi website ya blog par visit karta he tab us website ya blog par maujud sabhi text, images aur contents crawl karta he. Crawl karne ke baad contents search par index hona shuru ho jata he.

Isse us website ki content jese text aur images dhire dhire search list par display hona shuru ho jata hai. Jab hum us website se related kuch search karte he tab chances he ki Google hume wohi website apne search results par dikhaye.

Finally, Google ek search engine hai jo websites ya blogs ko crawl/index karke related results ya jaankari logo tak pohchata hai. So, agar aapko bhi yaha apni image ya photo upload karna hai to isi tarike ko follow karna hoga.

So, aapko simply websites ya blogs ke jariye apne images ko search list par daalna parega. Ye photo upload karne ka simple aur asan tarika hai. Iske liye aap bohot se websites ka istemal kar sakte he.

Social networking sites ka istemal kare

Aaj kal har kisi ka ek social networking profile hota hai. Facebook, Twitter ya Google plus ye sabhi top social networking websites he jaha log apni profiles create karte hai.

Agar aap bhi free me apni images ko Google search par daalna chahte ho to ye social profiles aapki madat karega.

Facebook, Google plus, twitter, Linked In ye sab top social sites he. In sabhi ko Google bohot jaldi crawl karta hai. Yane, in sites ke content ko Google apne search list par bohot jaldi add kar leta he. Isse aapki photo bhi Google par upload ho jayegi.

• Simply diye huwe social websites par signup kare aur apni ek profile banaye.
• Profile banane ke baad waha apne photo aur images ko upload kare.
• Kuch hi dino me upload kiye huwe images aapko Google search par dikh jayegi.

Note: Dhyan rakhiye ke image upload karne se pehle uska naam ache se rename kar le. Kyuki, Google par image ke naam ko search karne par hi wo image search par display hoga.

Social websites par photo ko upload karne k baad bhi image ka name aur description jarur bhariyega. Isse diye huwe naam se aapko search par image dikh jayegi.

Niche aap dekh sakte he meri photo Google plus profile se Google search par display ho rahi he.

Esehi meri photo Linked in profile se bhi Google par upload ho chuki he.

To, kisi bhi social networking website se apne image ko search par dalne ka tarika best he.

Blog ya website se image upload kare

Agar aap apne images ko search results par display karna chahte hai to apni blog ya website se kar sakte hai. Ye tarika ekdam sahise kaam karta he. Kyuki, ispar aap apne khud ke blog se hi images ko directly Google me add karwa sakte ho. Iske liye niche diye steps follow kare.

• Sabse pehle blogger par apni ek blog banaye. 
• Ager nhi aati hai blog banane to niche comment box me aap Mujhe puch sakte ho 
• Blog banane ke baad blog URL/address ko Google par submit kare. 
• Blog ko submit karne ke baad blog par ek post/article likhe. Iss post par aap apne images ko dale/upload kare.
• Post par images upload karne ke baad image ka name, description aur ALT text jarur bahre. Agar aap ALT text nahi bharenge to aapki photo search par nahi ayegi. So, photo ki alt text par name jarur se bhariyega.
• Ab post ko publish kare aur thora wait kare. Jald hi aapko blog par upload ki huwi image Google search par dikhegi. Dhyan rakhiyega iske liye aapko photo ke naam se search karna parega.

Friends, mene upar do tarike aapko sikhaye he jisse ki Google search pe koi bhi photo upload kiya ja sakta hai. Agar aapko koi pareshani hoti he to niche comment jarur kare. Me aapki madat jarur karunga.

Final words on Google image search

Finally, aapko pata chal chuka he ke Google pe apni photo ya images kaise upload karte hai. Social websites aur apni blog ke istemal se ye aap bari asani se kar sakte he. But, dhyan rakhiyega ke photo ko upload karne ke baad uski name aur description jarur bhariyega. Naam se hi aap image ko dhund payenge. Agar aap apne blog ke jariye photo upload karana chahte to blog post par image ALT text jarur bhariyega.