Free online video call kaise karre kissi se

Dosto, aaj k iss smartphone aur internet k samai pe “free video call kaise karte hai” ya “online video calling karne ka free tarika kya hai” ye do sawal bohot hi charche me hai. Iska simple reason yehi hai, hum apne mobile se video calling k jariye live video chat kar sakte hai. Iska matlab, baate karne k sath sath hum call karne wale ko bhi live apne mobile screen par dekh sakte hai. Isitarah, aapne jise call kiya hai wo bhi aapko apne mobile par dekh sakta hai. Hai na bohot bariyah chiz ?

So isiliye, aaj iss post par hum aapko free me apne smartphone/mobile se internet k jariye video call kaise karte hai iska tarika sikhayenge.

Dhayn rakhiyega, hum apne Android mobile se network company k jariye bhi kisi bhi mobile number par video call kar sakte hai. Bas, aap jise call kar rahe ho uske pas 3G connection aur front camera wala mobile hona jaruri hai.

Lekin, jesa k hum jante hi he k network companies video calling k liye bohot charge karte hai. Isse aapko bohot paise chukane par sakte hai. Unlimited free video chat/call ka maza bhi nahi le sakte. But, kuch companies video calling k liye extra packs bhi launch karte hai jisse kam rates par jyada bate ki ja sakti hai. 

Kher jo bhi ho, hum baat kar rahe hai mobile se unlimited free call karne k bareme. So, iska ek best tarika mene niche bataya he jisse agar aapko bhi kisiko video call karna hai to beshak kar sakte hai.

Android mobile se video call kaise karte hai

Aaj jo video call karne ka tarika me aapko batane ja raha hun wo hai IMO Android app ki madat se. Iss ek simple application ki madat se hum bohot hi asani se ek android mobile se dusre android mobile par call karke video chat kar sakte hai.

Aapko simply imo app ko Google playstore se download karna hai aur apne mobile par install karna hai. Esehi, aap jis mobile par call karna chahte hai us mobile par bhi imo app installed hona parega. Yane, jis phone se call karenge aur jiske phone par call karenge dono me hi IMO installed rehna hoga. Is app ki best baat ye hai k, hum isse slow 2G internet connection par bhi fast aur smooth video calling ka maza le sakte hai.

Imo app se video call karne k liye hume kya chahiye ?

Imo application se free high quality video chat karne k liye hume kuch chizo ka dhyan rakhna hoga. Ye sabhi basic chize hai jo aajkal sabhi android smartphone par rehte hi he.

• Ek Android smartphone.
• Phone par front camera hona jaruri hai. Isse samnewala apne mobile par aapko dekh payega.
• Mobile par internet connection hona parega. Ye app internet k jariye hume free video chat karne ki suwidha deta hai. Isiliye smartphone par internet connection k bina ye kaam nahi karega. 3G net connection par aapko bariyah speed milegi. 2G speed par bhi imo app atchi calling experience deta hai. So, 2G internet se bhi call kar sakte hai.
• Aap jis mobile par call karna chahte hai, huska bhi ek android smartphone hona parega. Android smartphone par front camera, internet connection hona parega. Iske sath sath call karne wale k mobile par bhi imo app installed rehna hoga.

Upar diye sab chize agar aapke mobile par hai to aap bhi imo app ka istemal karke fast free video call ka maza le sakte hai. To chaliye niche hum IMO app k bareme thora aur jaan le.

Imo app kya hai ? App ke bareme jane

Simply kahe to imo android application ek messenger app hai jisse hum free me apne friends aur family ko unlimited messages bhej sakte hai aur free video call ya voice call kar sakte hai. Isse bhi best jo baat hai, aap isse group video calling bhi kar sakte hai. Yane eksath bohot se logo ko video call kar sakte hai. Ye sabhi chize jese messages ya call aap 2G, 3G, 4G ya wifi internet connection k jariye kar sakte hai.

Jese hum whatsapp, hike jese messenger ka istemal messages,images,videos bhejne k liye karte hai , thik wese hi ye imo app ko bhi aap in sab chizo k liye istemal kar sakte hai.

But, imo ki khas baat hai iski free video aur voice call service k liye. Mene bohot se apps use ki he but imo app se behtar aur bariah video call ki suwidha aur kisine nahi di. Ye aap bohot se log use kar rahe hai aur isse khush bhi hai. Jab aap ise apne mobile par install karenge tab aap dekhenge k aapke bohot se dost ise already use kar rahe hai.

Imo app ke kuch features (khasiyat)

• Fast and high quality video aur voice call karne ka feature.
• High quality calling slow 2G internet connections par bhi.
• Ek se jyada logo k sath group video call kare.
• Dusre sabhi messenger apps k tarah apne dosto k sath text chat, video share, image share ya voice call bhi kar sakte hai.

To hai na IMO ek best free video calling app ? Agar aap bhi esa sochte hai to chaliye niche hum imo app se video call kaise karte hai iska tarika jaan le.

Imo se video call kaise kare ?

1. Sabse pehle aap apne Android mobile se playstore par jaye. Playstore par jane k baad aap IMO search kare. Search karne par aapko niche image par show ho raha app dikhega. Simply imo app ko playstore se download kar le aur mobile par install kare.

Aap chahe to iss link se bhi imo download kar sakte hai - Download imo android app

2. Ab download aur install karne k baad simply apne mobile se imo application ko open kar le.

3. App ko open karne k baad aapko pehle apna account register karna hoga. Imo par account banane k liye aapko sirf apna mobile number verify karna hoga aur naam daalna hoga.

So, app ko open karne k baad aapko ek page dikhega jaha aapko phone number verify karne ke liye apna mobile number dalna hoga.

Jesa k aap upar image par dekh hi rahe he, aapko ayehuwe box par apna mobile number daalna hai aur blue color ke right tick button par click karna hai.

4. Ab aapke mobile screen par ek popup show hoga “please confirm your phone number”. Aab simply ayehuwe popup par OK par click kare.

5. Ok button par click karne k baad aapke diye huwe mobile number par ek code ayega. Iss code ko aap ayehuwe verify number box par dale.

Sahi code ko dalne k baad automatically verification process complete ho jayegi.

6. Number verification process complete hone k baad aapko next page par apna name daalna hai. Name daalne k liye aap simply ayehuwe box par apna name dale aurDONE k button par click kare.

7. Name daalne k baad next page par aapko imo dashboar dikhega. But, dashboard se pehle ek option show hoga INVITE ka. Yane agar aap apne phone par maujud contacts ko imo par invite karna chahte hai to invite kar sakte hai.

So, filhal k liye aap simply NOT NOW k option par click kare. Dosto ko aap invite baad me bhi kar sakte hai.

8. Congratulations, ab aapne sahi se apna imo account bana liya hai. Now, ayehuwe dashboard par aapko CHATSaur CONTACTS ka options dikhega.

Aap simply CONTACTS par click kare. Isse aapko dikh jayega k aapke mobile k contacts mese kon kon imo app use kar raha hai. Agar apke dost ya relatives imo use kar rahe hai to aapko is page par har contacts k samne direct video calling ka option dikh jayega.

Direct video call karne k liye simply contacts page se jisko bhi call karna chahte hai uske profile k right side se direct video call ke icon par click kare. Isse aap directly apne contacts ko call kar sakte hai.

9. Call k icon par click karne par aapke mobile par video calling preview display ho jayega. Is display par aap apne mobile k front camera se khud ko aur jise call kiya hai use dekh sakte hai aur bate kar sakte hai. But, dhyan rakhiye live video chat karne k liye samnewale ko pehle imo call receive karna hoga.

Live video call screen

Note: Jesa k aap upar image par dekh sakte hai, meri video preview bohot kharab he. Iska kar hai ye call mene raat k samai par kiya tha jab mere room par andhera tha aur meri front camera quality bohot hi kharab he. But, kharab light/camera par bhi itni clear video quality he k aap jise caal kar rahe hai wo aapko ache se dekh payega. Agar aapka front camera thora bhi acha hai to ye kamal ki video preview deta hai.

10. Ab aapne imo kaise chalate hai aur imo se video call kaise kare ye sikh liya hai. But, kya hoga agar aap jisse online video chat karna chahte hai uska imo par account na ho ? tab aap call kaise karenge ?

Simply, imo par apne dost ko invite karke ya apne dost ko playstore se imo app download karne ko kehke. Jab aapka dost apne mobile par imo app download aur install kar lega tab aapko apne imo contacts par uske profile k saamne video calling ka button bhi dikh jayega.

Imo par settings, Group video chat aur invite kaise kare ?

Profile settings, group video chat aur apne dosto ko imo par invite karne k liye simply options par jaye aur apna sahi chunaw kare. Iske liye aap niche steps ko dekh lae.

1. Sabse pehle aap apne imo app k dashboard se options k button par click kare. Options ka button dashboard k ekdam niche left hand side par hoga. Ye botton 3 line ka small icon he.

2. Ab option ke button par click karne k baad next page par aapko sabhi settings/options dikh jayenge.

• Settings – Apna profile pic add karna ho ya basic profile setting karna ho.
• Create chat group – Ek se jyada logo k sath video call par bate karne k liye.
• Add friend – Apne dosto ko imo app par add karne k liye.

Quick and final words

Friends, wese to hum whatsapp ya aur bhi bohot se apps ki madat se bhi video chat ya call kar sakte he. But, imo ko hum asani se chala sakte hai aur isse high quality call kar sakte he wo bhi slow internet connections par bhi. Jab aap video chat kar rahe ho tab sabse jaruri chiz yahi he k video display/quality clear ho aur koi rukawat na ho aur isi k liye hi imo app bohot famous hai.