5 free android mobile antivirus app which removes your virus

Mobile se virus nikalna aur mobile antivirus app use karna bohot hi jaruri he. Android phones aajkal har kisi ki adat ban chuki he. Phone k bina to koi reh hi nahi pata. Hum apne mobile pe apps, games aur online browsing (internet) use karte he. Bas, jitne hi din gujarte he utne hi android mobile slow hota jata he. So, kabhi aapne ye socha he ki iska karan kya ho sakta hai 

Ji han, aap sahi samajh rahe ho. Iska karan virus bhi ho sakta he. Ye apke mobile ko slow karne k alawa dusre problems bhi create karta hai. Aapke mobile se data, information churana ya phone ke software ko damage karna bhi iska kaam hota he.

Agar aap mobile pe internet use karte he to virus hone ka khatra jyada hai. Iska karan he ki jab hum kisi low quality website pe visit karte he tab iska khatra jyada hota hai. Jyadatar untrusted websites se downloads karnese ya untrusted apps ko mobile pe install karne se mobile pe virus ghus sakte he. Aur, jesa k maine pehle hi kaha he k ye aapke liye bohot problems create karta he.

Isiliye sabse pehle ek acha antivirus app install kare aur virus se phone ko protect kare. Android antivirus applications ki madat se hum apne mobile pe virus ko ghusne se rok sakte he aur agar virus already maujud hai to hata sakte he. Lekin, antivirus use kiye bina aapko pata nahi chalega k phone pe koi virus ya malware he ya nahi.

So, mobile se virus nikalne k liye ya phone ko malware/virus se bachane k me kuch antivirus apps share karunga. Agar aap bhi soch rahe he ki mobile ko virus se kaise bachaye to inmese kisi ek ko playstore se install kare aur phone ko malware free banaye.

5 free android mobile antivirus app

Dosto, shayad aapko ye pata chal gaya hoga k antivirus k istemal se kitne faide he. Isse aap apne mobile phone ko fast aur safe rakh sakte he.

So, niche diye applications mese aapko jo bhi atcha lage wo download kare. Download aur install hone k baad mobile ko scan kare aur check kare apke mobile pe koi virus to nahi. Agar koi bhi file infected he to turant use delete kare

AVG Mobile antivirus

Mere list pe AVG mobile antivirus sabse pehle he iski best features k liye. Iski madat se aap apne mobile ko harmful virus, malware, spyware etc se bacha sakte he. Iske sath apne personal data ko bhi safe rakhne k liye aapko app lock ki suwidha milti he.

Best feature:

• Sabhi files ko scan karta he aur kisi bhi malware ya malicious content ko mobile se remove karna.
• Agar aap internet jyada karte he to ye aapke liye sabse jaruri antivirus app he. Kyuki, ye websites ko scan karta he aur dekhta he k ispe harmful threats to nahi he. Agar koi harmful threat mile to aapko safe page pe redirect kia jata he. Isse aap khatarnak websites se bhi apne mobile ko bacha sakte he.

Sirf virus cleaner hi nahi ye free antivirus apke liye bohot se aur kaam karta he. Iske kuch aur features niche parhe:

• Mobile pe Apps, games, settings aur files ko scan karna.
• Agar aapki phone chori ho jaye to isse dhund bhi sakte he.
• Ajkal mobile ka sabse bara problem he slow hona. To, iska solution bhi AVG antivirus k paas he. Ye un sabhi khule apps ko band karta he jo mobile slow hone ka karan he.
• Apne jaruri apps jese whatsapp, hike ko lock bhi kar sakte he take koi untak na pauhche.
• Call blocker ki madat se unknown calls ko block kare.
• Picture vault ke istemal se private pictures ko safe rakkhe.

So, agar aap sabse acha virus nikalne ka app dhund rahe ho to AVG free mobile antivirus mere hisab se best he.

Download aur install kare Playstore se Download AVG antivirus

Kaspersky Antivirus & Security

Kaspersky bhi AVG ki tarah kafi had tak same he. Iss free app se aap apne smartphone ko dangerous mobile threat, virus, spyware etc se protect karta he. Mobile scan kare aur dekhe koi malware file he ki nahi. Agar maujud ho to use kaspersky ki madat se turant hata ya nikal bhi sakte he.

Iske sath agar aap mobile pe internet use karte he to apne personal data ko secure bhi rakh sakte he. Iske sath online dangerous links aur websites se bhi apko bachata he. Aj kal online protection bohot hi jaruri he kyuki internet se jyadatar malware files hamare phones pe ghuste he.

Kaspersky app simply phone scan karne k baad mile huwe threats aur virus ko remove karta he. Iske baad sabhi dangerous files ya links ko block kar deta he. Isse aap humesha secure rehte he. Agar aap ye soch rahe he k mobile se virus kaise nikale to ye best option he.

Playstore se download kare Kaspersky Antivirus & Security

Avast mobile security & antivirus

Agar aap puche sabse acha virus nikalne ka app konsa he to me avast ka naam jarur lunga. Me apne computer pe lagbhag 1 year se avast use kar raha hun. Mujhe ye bohot hi pasand he kyuki ise istemal karne k baad mujhe aajtak koi virus ya malware ki problem nahi huwi.

Mene mobile pe bhi Avast ki app install ki thi aur computer ki tarah phone pe bhi ye best he. Mene iski madat se apne smartphone se bohot infected files remove ki he. Ye bohot hi trusted antivirus application he.

Jab aap ise first use karoge tab automatically pure mobile ko scan karta he dangerous aur infected apps ko dhundne k liye. Best mobile protection ke liye avast web aur files bhi scan karta he. Sabhi malware aur infected links ko block karta he.

Kuch aur features bhi he jese, wifi security, call blocker, app permission etc.

Ye app playstore se download kare –Avast Mobile Security

360 Mobile Security

360 protection aur speed booster bhi acha aur trusted antivirus he. Ye aapke mobile ko na kewal virus se bachta he balke phone ko fast bhi banata hai.

Sabhi apps, memory card k files ye automatically scan karta he aur aapke phone ko virus, malware, trojan  etc se bachata he.

Iske sath kuch aur features bhi aapko milte he jese junk file cleaner, memory boost, anti theft, power saver etc jo ise best mobile antivirus app banata hai.

Quick Heal Antivirus & Security

Quick heal free antivirus apke mobile ko malware se protect karne k sath sabhi apps ko background scan karta he. Apps ke sath aapki puri mobile ko ye scan karta he aur dekhta he koi virus to nahi he. Iske feature bhi dusro k tarah almost same hi he. Quick heal antivirus ki rating playstore pe bohot achi he jo ki 4.4 out of 5 he. Best virus and malware protection k liye ye application bohot achi he.

Playstore se download kare – Quick Heal mobile security

Antivirus use karne k final tips

Friends, agar aapko mobile se virus nikalna hai ya kisi bhi malware se phone ko bachana he to in antivirus applications mese kisi ek ko jarur se install kare. Isse na kewal aap safe rahenge balke mobile fast bhi hoga.