Friends, Guitar kaise sikhe ya guitar kaise bajaye ye sawal mere man me bhi tha jaab pehli bar mujhe guitar se lagaw huwa. Me jaab 12th me tha taab bohot rock music sunta tha. Rock music mujhe kyu jyada pasand ane laga mujhe nahi pata but pasand aa gaya. Bus, iske baad maine bhi sotch liya k mujhe bhi guitar bajana hai.
Tab maine kuch classes join ki guitar sikhna ka aur practice karta gaya. Ajj itne saalo baad me thora bohot to baja hi leta hun. But firbhi koi kami jarur hai. Ye thi meri personal baat, agar aapko bhi guitar sikhna hai to kuch chize dhyan rakhna hoga.
Agar aapko guitar bajana sikhna hai to ise seriously sikhna hoga. Eisa nahi ke josh aa gaya aur aap yuhi sikhne laggaye. Agar aapko man se sikhna hai aur aap satche chahte hai k ekdin atchese bajana hai to daily practice kare. Mehnat karenge to guitar sikhna utna bhi mushkil nahi hai. To, chaliye niche hum kuch jaruri chizo ko jaan le take aapko bhi samajh aye k guitar kaise sikhe bina kisi galati k.
Guitar kaise sikhe best tarike aur upay
Friends, aap jante hi hai k internet gyan ka bhandar hai aur isse hum kuchbhi sikh sakte hai. Agar aap soth rahe ho k Guitar sikhne ka free tarika kya hai to yehi internet aapko sikhayega. Internet ki madat se aap bari asani se guitar k basic se lekar advance lessons jaan sakte ho.
Ye sahi hai k maine bhi guitar sikhne k liye classes join ki thi. Leki samai na milne k karan me classes ja nahi pata tha aur sikh bhi nahi pata tha. Phir ekdin maine GOOGLE pe guitar k lessons search kia aur mujhe bohot se naye naye chize sikhne ko mili.
To agar aap koi class join nahi karna chahte ho to guitar sikhne ka best tarika hai internet se. Aap pe jaye aur search kare “Guitar beginner lessons” . Isse aapko hazaro videos milenge jise dekhkar aap asanise guitar bajana sikh jayenge.
Agar aapko English lessons samajh nahi aati to guitar lessons Hindi type kare aur search kare. Isse aapko sabhi Hindi tutorials nazar ayegi. Aap videos ko dekhe aur jese sikhate hai wese khud try kare. Aur ho sake to kahi pe note karle take baad me video ko dekhna na pare.
Ekdin me ek lesson hi try kare. Eisa na ho k aap ek ke baad ek video dekhte hi rahe aur sabhi eksaath try karte rahe. Isse aapko sikhna kuch nahi hoga ulta aap frustrated ho jaoge. So, simply koi bhi ek lesson select kare aur use pura practice kare.
Dailypractice kare take wo lesson aapke hath pe beth jaye. Jaab pehla lesson aapko pura bajana aa jaye tab dusra next lesson try kare. Eisa kaarne paar dhire dhire aapko guitar bajane ka tarika samajh aa jayega aur fingering speed barhega.
Konse guitar lessons pehle sikhe ?
Agar aap humari ye post par rahe he iska matlab aap beginner ho aur aapko guitar k bareme kuch bhi nahi pata. Dosto, guitar pe koi bhi gana bajana ya fir notes bajana bohot dur ki baat hai pehle aapko apne fingering k upar dhyan dena hoga. Kyuki agar fingers sahi jagah pe nahi honge to kuch bhi sahi nahi hoga.
To sabse pehle jo lessons aapko search karna hai wo hai “beginner fingering lessons”. Isse aapko bohot se fingering k tutorials milenge jinhe aap daily thora thora practice karoge to guitar pe finger placement ka idea aapko milta rahega.Fingering k baad jo sabse jaruri hai wo hai CHORDS. Dosto chords bohot hi jaruri hai kyuki isse rhythm diya jata hai aur ye mujhe bohot pasand bhi hai. Kuch basic chords aap pehle hi sikh le – E B G D A C F (major aur minor dono). Ye basic chords hai jinhe sikh liya to aap bohot se gane baja sakte ho.
To, aap youtube pe “beginner chords lessons” search kare aur aye huye results mese sikh le. Yaad rahe pehle aapko bohot si taklife hongi. Agar aapko sikhna hai to koshish kare dhire dhire aapko bajana jarur aa jayega.
Jaab aapka fingering speed barhega aur basic chords bhi bajana aa jayega tab aap advanced lessons sikh sakte hai. Iske liye firse “Advanced guitar lessons” search kare aur sikh le. Youtube se aapko hazaro new lessons sikhne ko milenge. Daily practice kare aur apne aapko behtar banate jayye.
Guitar sikhte samai konsi galatiya na kare
Agar aapko satch me guitar bajana sikhna hai to kuch galatiya na dohraye. Inn galatiyo mese sabse comon hai aalsipan aur apne aap pe bharosa na hona. Mene bohot se logo ko dekha hai jinhe ek din me hi sabkuch sikhna hai aur gane bhi bajana hai. Leki aap hi sochiye kya ye sambhaw hai ? kya ek din me aap guitar bajana sikh sakte ho ? mere hisab se nahi ye mumkin nahi.
Aab ye galati kabhi na kare. Ek fix time rakkhe k han mujhe 2 months me bassic sikhna hai tabhi aap sikh paoge. Un 2 months me daily lessons ko practice kare dekhiyega aapko jald hi guitar bajana aa jayega.
Jaab me pehli baar guitar sikhne gaya tha taab mujhe eisa laag raha tha k ise me kabhi bhi nahi baja paunga. Kyuki mujhe koi idea ya knowledge nahi tha k ise bajate kaise hai. Me apni ungliya bhi nahi rakh pa raha tha. Lekin aag bohot se gane to baja hi leta hun. Kyuki mere chords change fast ho gaye hai aur me daily practice karta hun. Ek choti si video mene aur mere dost ne ghar pe shoot kia tha. Iss video pe me guitar baja raha hun. Agar aap dekhna chahte ho to dekh sakte ho is link se –
Aur ek jaruri baat, pehle hi din se gane bajane ki koshish bilkul na kare. Ye saab aapke lessons pe rukawat layega. Sirf aur sirf apne practice pe dhyan de. Jaab aap thora sikh jao tab koibhi gana try kar sakte ho. Lekin pehle chords bajana try kare.
Final tips guitar sikhne k
Dosto, mujhe jo share karna tha wo mene aapse share kar diya. Iss post pe aapne jana k asani se guitar sikha kaise ja sakta he wo bhi internet ki madat se. Lekin agar aapke paas time hai to starting me guitar classes join kare. Isse bassics aap aram se sikh paoge. Ekbaar bassic samajh aa gaya fir aap internet se hazaro tips aur lessons k video dekh k ghar pe hi perfect guitar bajana sikh sakte ho.
Apna guitar sikhne ka josh banaye rakkhe, daily practice kare aur alas na kare. In sabhi chizo se aap 3 months me bassic samajh jaoge. Uske baad dhire dhire gaano k chords try karte rahe aur age barte rahe.
No comments:
Post a Comment