You tube par video kaise upload karre mobile Aur computer se

Dosto, YouTube par video kaise upload kare ye sawal aajkal bohot common hai. Iska karan he, aajkal log YouTube pe videos ko upload karke bohot paise kama rahe hai. Mene to ese bohot se logo ko dekha he jo isse hazaro kama rahe he. Simply kahe to online paise kamane ka ye ek best aur simple tarika hai. Shyad aapne bhi iske bare me kahi suna hoga aur isiliye aap bhi apne YouTube channel me videos upload karna chahte honge.

So, karan jo bhi agar aap bhi apne YouTube channel pe video ko upload karna chahte he to ye post aapki madat jarur karega.

Sabse pehle ye jaan le k videos ko dalne ka tarika bohot hi simple hai. Aap apne computer ya mobile se koi bhi video asani se YouTube account par upload kar sakte he. Isiliye, me iss post par mobile aur computer dono tarike se upload karne ka tarika samjhaunga.

YouTube pe video daalne k liye kya chahiye

Agar aap computer se video daalna chahte he to –

• Ek Gmail/Google account.
• Achi speed ki internet connection.
• Apni khud ki ek video.

Agar aap Android mobile se video upload karna chahte he to –

• Ek Gmail/Google account.
• Android phone.
• YouTube android app. (Playstore se download kare)
• Apni ek video jise upload karna he.

So, jesa bhi tarika aapko pasand ho mobile se ya computer se aap chun le aur niche diye steps follow kare. Now, chaliye Sabse pehle hum ye jaan le k mobile se YouTube par video kaise dale.

Mobile se YouTube par video kaise upload kare

Dosto, jesa k mene pehle hi kaha he mobile se video upload karne k liye hume YouTube android app ki jarurat hogi. So, sabse pehle aap apne mobile se YouTube app ko download kar le. Aap iss link se bhi download kar sakte he.

Download YouTube app

Application ko download karne k baad niche diye steps ko pura kare.

Open the app

Sabse pehle download kiye huwe YouTube app ko open kare. Open karne k baad aapko upar right hand side par 3 dot icon dikhega. Iss 3 don icon par click kare.

Sign in to Google account

3 dot ke icon par click karne k baad aapko kuch options dikhenge. In options mese sign in ke option par click kare.

Jesa ke hum sabhi jante he ki YouTube Google ki hi ek product/service he. Isiliye, ispar login karne k liye hume apni Google/gmail account ka istemal karna hoga.

Now, sign in par click karne k baad aapko apne mobile par registered Google account ko chunna hai.

Note: Agar aapke mobile par ek hi Google account registered he to sign in par click karne k baad automatically us account par login ho sakta he. Matlab, aapko account select karne ka option nahi bhi dikh sakta he.

Apna Google account chunne ke baad now aap YouTube par login ho chuke he. Ab aap apne  YouTube account par video upload karna shuru kar sakte hai.

Upload video in Youtube account

Now, simply apne YouTube app se profile ke icon par click kare. Profile icon par click karne k baad aapko upload karne ka option dikhega.

Upar image par aap dekh sakte he ki ek video camera ka icon bana huwa he. Aapko sirf us icon par click karna he.

Select your video

Camera ke icon par click karne k baad YouTube app par aapki phone gallery open ho jayegi. Ab, aap apne mobile ke gallery se jo bhi video upload karna chahate he use chune.

Add video details

Apna video chunne ke baad aapko details/description bharna hoga. Iske liye aap video se related title aur niche description likhe. Details bharne k baad upar 3 number arrow ke saamne submit button par click kare.

Dhyan rakhiye ke video title aur description bohot hi jaruri he. Isse YouTube search par aapki video ko display hone me madat milti he.

Video ko upload hone de

Submit button par click karne k baad aapki video upload hona shuru ho jayega. Aap upload ki progress dekh sakte he.

Upload 100 % pura hone k baad aapko ready to watch ka text dikhega. Now aap video par click karke use dekh sakte he.

Congratulations, now aapki video successfully upload ho chuki he. Ab koi bhi aapki video YouTube pe dekh sakta hai

Computer se video upload karne ka tarika

Jahatak meri baat he me apni sabhi video mobile se hi upload karta hun. Kyuki, isse bohot asani se aur jaldi upload ho jata he.

But, mobile se hum videos ko edit nahi kar sakte jese pc me kar sakte he. Isiliye computer ke jariye upload karne ka faida alag he. Wese, ekbar video dalne ke baad aap bad me bhi computer se edit kar sakte he.

YouTube ke website par jaye

Sabse pehle aap apne pc se YouTube ke website par visit kare. Visit karne k baad website k upar right side par aapko Sign in ka ek button dikhega. Iss SIGN IN ke button ko click kare.

Click karne ke baad aapko apni Google account se YouTube par login karna hoga. Iske liye simply apne Google account ka id aur password dale aur login kare.

Upload video from YouTube web

Now, Google account se YouTube par login karne k baad aapko upar right hand side par upload ka ek icon dikhega.

Simply, icon par click kare aur aage barhe.

Select your video

Upload icon par click karne k baad aapko ek page dikhega jaha se aap video ko upload kar sakte he.

Upar image par aap dekh sakte he k “select file to upload” ke text ke upar ek arrow bana huwa hai. Aapko us arrow par click karna hai.

Arrow par click karne ke baad aapke computer storage se files show hoga. Simply, jo bhi video aapko upload karna ho use computer se select kare aur niche OPEN ke button par click kare.

Open par click karte hi video upload hona shuru ho jayega.

Add video details

Ab, video upload page par aapko kuch options dikhenge jaha aap apne video ki title, description, thumbnail image etc daal sakte hai.

Upar image par aap dekh sakte he ki mene step by step number se mark kar di he kya kya karna hota he.

• Pehle box par video ki title dale take log samajh sake.
• Next box par description dale. Yane video ke bareme thora bohot likhe.
• Ab, last box par keywords add kare. For example, agar meri title he affiliate marketing kya hai to keywords honge – affiliate marketing, affiliate earning etc.
• 4 number box par simply video se related title daal sakte he. Ye social sites jese twitter, Google plus par share karne ke liye hota he.
• Now, aapki video 100 % upload aur 100 % processing hone ke baad upar 5 number arrow ke samne PUBLISH button par click kare.
• Congratulations, aapne successfully apne video ko YouTube par upload kar di he.

Final words

Dosto aaj aapne sikha ke apne Android mobile aur computer se YouTube pe videos ko kaise dalte hai. Wese, dono tarika hi simple he but mobile wala tarika mera sabse pasandidar he.

Aap bhi apna video daalna shuru kare aur hume comment par bataye aapko konsa tarika acha laga. Agar is post se related koi sawal he to hume niche comment jarur kare.