Atm Kya hai Aur uasse paise kaise nikale

Aaj k jamane me ATM se paise nikalna aam baat hai. Kyuki, ye sabhi ko pata hai k ATM ke faide kya hai aur kaise isse paise nikalte hai. Lekin hummese bohot se log he jinhe iski khasiyat aur faide k bare me pata nahi. Isiliye me iss post pe aapko bataunga k isse kya faide hote hai aur ATM machine se debit card ki madat se paise kaise nikale ya withdraw kare.

Agar aapne kabhi card se cash withdraw nahi ki he to aapko lagega k ye bohot hi mushkil he. Lekin jaab aap pehli bar paise withdraw karne jaoge tab aapko pata chalega k ye kitna asan tha. Koi bhi asani se iss machine se apne ATM card ki madat se paise nikal sakta he.

ATM kya he aur iske faide kya hai ?

Dosto, Automated Teller Machines (ATM) ek eisi service hoti he jisse aap kahi se bhi apne card ki madat se paise nikaal pate he. Bas jis jagah se aap paise withdraw karna chahte he waha ye machine honi chahiye. Aajkal sabhi jagah aapko minimum ek automated teller machine to mil hi jayegi. Aur, hum kisi bhi bank ke ATM machine ka istemaal kar sakte he.

For example, agar aapke paas Bank of Baroda ki debit yane ATM card he to aap ICICI Bank ki teller machine se bhi paise nikal sakte he. Isse aapko apne pocket pe cash lekar ghumne ki jarurat nahi parti. Jab chahe paise nikal le aur istemal kare. Lekin, ho sake to apne bank ki teller machine ka hi istemal kare take aapko sabhi suwidha mil paye.

Automated teller machine se paise nikalne k liye hume ek Debit card ki jarurat hoti hai. Jyadatar normal logoke paas debit card hi hota he. Ye, card aapko apne bank se milti he jaab aap account kholte he. Isse aap apne savings account ke paise ko kisi bhi teller machine se nikal pate he. Agar aapko account kholte samai ye card nahi diya gaya to aap apne bank pe jakar iske liye apply kar sakte he. Dhyan rakhiye ga k ATM card ko active hone me minimum 24 hours lag sakte he.

Automated teller machine k faide kya hai

Agar mujhse puche to iske faide bohot he. Ye ek eisi suwidha he jiske bina sadharan jana jiwan me bohot fark parta hai. Kyuki, agar mujhe achanak paiso ki jarurat hoti he to ghanto tak bank k line pe khara nahi hona parta. Me kewal apne samne ki kisi bhi bank ki ATM machine se apne card ki madat se chand seconds pe paise nikal leta hun. Isse samai batchta hai aur hume bar bar bank jane ki jarurat nahi parti.

• Aap kahi se bhi bina bank jaye paise nikal pate he.
• Apne account balance ki jankari paa sakte he.
• Paise ko dusre account pe transfer kar sakte he.
• Ajkal debit card ki madat se online shopping aur bill payment bhi kia jaa sakta hai.

To dosto hai na ye faidemant aur jaruri. Isiliye aaj hi cash withdraw karne ka tarika sikhe aur iska laabh uthaye.

ATM se paise nikalna hai to steps ko jaan le

Niche aapko teller machine se paise nikalne ka steps dikhega. Inn steps ko parhe aur khud try kare. Dhyan rakhiye ga k kuch machines pe aapko button press karna hota hai aur kuch me screen pe touch karna hoga.

Yane diye huwe options ko aap button ke sahare select kar sakte he ya un options pe apne ungli se touch karke select kar sakte he. Ye aapko ATM machine dekhke pata lag jayega.

Pehla step Card ko inseart kare

Sabse pehle aapko karna ye ke apne card ko machine pe inseart kare. ATM machine pe aapko green color ka ek light dikh sakta he jiske saamne card ko inseart karne ka jagah aapko dikh jayega. Apne card ko sahi tarike se machine pe inseart kare aur 1 se 2 second ke baad nikal le.

Dhyan rakhiye ga k kuch bank ke teller machines card ko paise milne tak inseart karke rakhte he. Yane jaab aapka transaction pura ho jata he tab machine aapko card wapas lota deta he. To, jaisa bhi machine ho aap sirf apne card ko sahi tarike se insert kare.

Apne pasand ka language select

Agar aapne card ko sahi tarike se inseart kiya hai to aapko select language ka option dikhega. Ise select karna bohot hi asan he. Aapko jo bhi bhasha pasand ho uspe select kare. Hum English language ko chose karenge.

Enter your pin number

Apne pasand ke bhasha ka chunaw karne k baad aapko pin number dalne k liye kaha jayega. Ye pin code aapko apne card k sath hi milta he. Aap pin code ke liye apne bank se bhi putch sakte he.

Code ko dalne k liye machine k niche ki taraf aapko ek keypad dikhega. Iss keypad pe 1 se lekar 9 aur 0 ka number rehta he. Aapko isme kuch aur button bhi dikhnege jese cancel, remove etc. Ab iss keypad pe aap apna 4 ank ka pin number dale.

Apne transaction ka type select kare

Agar aapne sahi pin number dala he to aapko next kuch jaruri options dikhenge. Ye options he CASH WITHDRAWAL ya WITHDRAW MONEY, BALANCE ENQUIRY, BILL PAY etc. Hume paise nikalna he to hum CASH WITHDRAWAL ka option select karenge.

Account type select kare

Ab jab aapne CASH WITHDRAW ka option select kar diya he to machine ke screen pe aapko do options dikhega. SAVINGS ACCOUNT ya CURRENT ACCOUNT . Agar aapka account savings a/c he to savings aur current a/c he to current ko select kare.

Amount bhare

Apna account type select karne k baad aapko kitna cash nikalna he wo dale. Screen pe aapko ENTER AMOUNT ka ek option dikhega jispe aap machine k keypad ka istemal karke amount bhare. Amount bharne k baad CORRECT ka option select kare.

CORRECT ka option select karne k baad apko pucha jata he k would you like to take reciept. Yane kya aap receipt lena chahte he. Agar aapko parchi chahiye to YES ko aur nahi chahiye to NO pe select kare. Dhyan rakhe ki parchi yane receipt ki madat se aap account ka balance dekh sakte he.

Apna paisa collect kare

Aab sabhi prakriya pura ho chuka hai. Aab kuch hi seconds me ATM machine ke cash dispenser se aapka paisa nikal jayega. Apna cash collect kare.

Paisa lene k baad apna card lena na bhule. ATM room se nikalne se pehle machine k keypad pe CANCEL ka button dabaye.

Final words

Dosto, jesa k maine kaha k ekbaar aap ATM se cash nikalne sikh gaye to isse asan kaam koi aur nahi. Na aapko bank jane ki jarurat he na line pe khare hone ki.

Iss post pe me aapko koi image nahi de paya lekin dhyan se parhenge aur yad rakkhenge to aapko ese hi samajh aa jayega ki ATM machine se cash nikalne ka tarika kya hai.

Aur ek baat jo jaruri hai, apna pin number kisi ko na kahe aur dekhne de. Ye kewal aaptak hi simit rakkhe. Machine se paise nikal ne k baad teller machine pe CANCEL ka button jarur dabaye take kuch adhura rahe to wo cancel ho jaye.